真要多謝「住好啲」，果然夠爆夠出位，那天逛店居然給我發現他們播放著「雷夢娜」，仿如走進時光隧道，頓然喚醒我模糊的記憶。

其實我什麽都記不得，只知道小時候有位女歌手上歡樂今宵，每次唱歌都要唱到仆街，真係無誇張，係成個人插水式趴落地面的那種仆街，絕對經過特別訓練，就算大人也不能模仿，其出位作風絕對能拍得上「住好啲」，結尾前大叫“夢娜”，然後倒地，原來二十幾年前的演繹可以o甘dramatic，震撼至今，只可惜搵唔到MV。

後來與好友聊起來，知道這位搏老命的歌女叫李亞萍，是台灣藝人余天的老婆，當年每次來香港都必唱她的one hit wonder，沒有人知道她真名唔緊要，記得「雷夢娜」就掂嗮，可惜後來多左個「仆街萍」嘅綽號，實在始料不及。

我唔sure是否每個人都有座斷背山，但我肯定每個人都總會碰上「雷夢娜」：仆街 ！

希望好友能成功驅魔驅走「雷夢娜」，也希望下次「雷夢娜」上我身時，無人會睇到。

醒來吧！雷夢娜（限時暫存）

P.S. 搜索時資料顯示這是姚蘇蓉所唱，但我相信係李亞萍，如有錯誤，敬請更正！