其實大概年半前已有朋友看過《喝彩》，事後還給予高度評價，但其實我都係唔放心，張poster又極之唔吸引，我心想可能又係發死人財嘅表演，好似滾石唱片不斷地出精選碟一樣，對歌手強姦又強姦，所以他們一、二、三度公演我都無理會，但是莫名其妙地上個月他們居然去了新加坡作了兩場，過大海之後果然唔同身價，仲要係一個新加坡朋友告訴我的，我開始有點興趣。今天下午忽然醒起今晚係《喝彩 - 四度公演》的最後一晚，沒料到打電話去票房他們卻説還有飛賣，可能係last minute D人無去攞飛有得執死雞，當然把握機會，話嗮都係尾場，應該會好睇D。

開場不到十分鐘，觀衆們（包括我）已經非常投入劇情，我認爲是歌曲的關係，基本上唔會大錯，好似睇Mama Mia一樣，單係歌曲就贏了一半分數，當然我覺得《喝彩》比Mama Mia還要好。畢竟是香港人集體回憶，而回憶一般來説都是美好的，就算外形唱腔其實都唔算太似，仍然成功地讓觀衆墮入角色。故事一路發展，一路勾起舊時片段，既懷舊又唏噓，散場後也令人依依不捨，很想立刻重聽陳百強、張國榮的歌，而我回到家中便係書櫃中把2003年4月3日的壹周刊拿來重溫，係，我真係有keep起，搵到這張Danny, Leslie的合照，雖然沒有鍾保羅，但已經夠應景。

唔明白點解他們沒有真正地把三人的故事如實搬上台，反而似是而非地造了另外三個身份，我認爲這是敗筆，例如話張國榮結婚兼生左個三歲大嘅女就真係匪夷所思，倒不如大大方方去講唐唐同Leslie，我唔信到左今時今日仲會有人唔高興囉，但既然導演編劇決定這麽安排，觀衆也只好無奈接受。

他們已經演了41場，依入座率來看，我認爲很有可能有五、六度公演，我也希望他們成功。若然成真，我一定會送兩張飛比M君，一位當年對Danny, Leslie, Paul都崇拜過的人，M君說當鍾保羅和陳百強都死於非命後，已經恐懼張國榮會步後塵，點知真係中左，我估M君比我會更愛《喝彩》。