常說香港電視睇蠢人，最近偶然看《野蠻奶奶大戰戈師奶》，居然聽到都幾make sense嘅對白。第17集話説阿Kyle（黃宗澤）糾纏於麗敏（胡幸兒）和Athena（楊秀惠）之間，結局被O姐（汪明荃）大閙一頓：

“你細個個時候我請你食雪糕，你左手拿甜筒，右手拿雪條，你望住係度喊，因爲你唔識點揀，結果兩個都溶嗮無得食。就係你三心兩意，揀極都揀唔到，結果咪兩樣都無囉！”

我有理由相信以上對白並非原創，因爲成套《野蠻奶奶大戰戈師奶》主要係抄The devil wears Prada，好難係創意上攞分。但橋唔怕舊，最緊要受，就算係junk mail照搬過來，畢竟都係個幾貼切嘅故事比喻，算係有啲道理。還記得最初認識decision making這個課題，應該追溯到《倚天屠龍記》，都係汪明荃有份做嘅，果陣時屋企人已經狠批張無忌嘅婆媽同優柔寡斷，刻骨銘心至今。又例如兒時給訓練蹬腳打麻雀，動作慢些少做站長都即刻被人催。如果真係發生唔識揀雪糕最後溶鬼嗮，我估應該一早就被虐兒致死。

無錯「有得揀，你先至係老闆！」；不過「唔識揀，婆媽累人正蛋散！」（爛gag）