我仲可以講什麽？如果譚詠麟之前說什麽什麽香港人的悲哀，讀完呢D演唱會報道我就覺得香港娛樂圈好悲哀至真！講來講去只有邊個邊個圈中人去咗睇，觀衆勁噓遲開show，講下服裝化妝，話個樣點樣驚嚇，頂帽似泳帽，低胸露玉腿，仲批評話唔賣紀念品同埋唔派Pung Pung棒。

音樂呢？

我都知記者都要趕收工，但都應該來得及聽到前面嘅《帶我去跳舞》啩？關淑怡同女高音合唱，就算聾都應該知道勁！就算記者真係無時間到o甘，都應該聽得出關淑怡把聲狀態大佳，無論演繹自己或別人的歌都屬超班。我都唔係奢望報紙寫演唱會概念或者講inspiration，只係想知道最基本嘅音樂而已，都唔算好過分吖！唯一比較安慰就係隔日《經濟日報》終於有番個似樣嘅報道，總算有D希望。

我只想說，當今香港樂壇難得還有關淑怡這類超班歌手。

始終我替她感到不值！


*********

星 島 日 報 ： 關 淑 怡 嚇 鬼 妝 開 騷  
 
關淑怡（Shirley）昨晚於紅館舉行一連兩場《Unexpected Shirley Kwan In Concert 2008》演唱會，只得約8成入座率，演唱會卻遲遲未開場，現場噓聲四起，最終於8時55分才正式開場。

是次演唱會的舞台以黑白為主，而Shirley亦以一身吊帶低胸黑白裙，再配上一雙毛絨的翅膀出場，不過當配合她的妝容後，令人感覺一如黑白無常般令人恐懼。她先以薩頂頂的《萬物生》打頭陣，緊接便送上《So Sad》及《山水》兩首名曲。演唱會的入座率只有8成，而Shirley亦遲遲未開騷，引來一眾歌迷的不滿，於8時50分開始傳出噓聲，之後大會便熄燈示意開騷來平息歌迷的不滿，可惜卻仍未見Shirley出現，歌迷又再噓，至8時55分才正式開騷。

在正常光下的關淑怡驚嚇度十足，還好現在不是農曆七月。

**********

蘋 果 日 報 ： 企 定 定 獻 唱

關淑怡（Shirley）一連兩場的紅館個唱昨晚開鑼，入座率達九成。劉美君、李克勤夫婦、楊思琦、蔡一智與太太、蔡一傑及關心妍等昨晚都有往捧場，到晚上差不多9時，Shirley還未出場，惹得觀眾鼓譟及喝倒采，未幾紅館熄燈欲作安撫，但再等五分鐘仍未見主角出場，觀眾再度發出噓聲，然後Shirley才施施然上台。

Shirley頭戴類似泳帽的帽子，一身大翼披肩襯短裙，再穿上煙斗形高跟鞋，造型前衞。她首先獻唱薩頂頂的《萬物生》，可能因鞋子太高，她只企在原位唱歌，不敢做出太大動作，但台中央特設數十觀眾席，讓歌迷近距離欣賞偶像演出，故歌迷們仍看得十分陶醉。

**********

東 方 日 報 ： 關 淑 怡 遲 出 場 噓 聲 伴 唱
 
關淑怡（Shirley）做人處事予人「估佢唔到」感覺，昨晚一連兩場紅館演唱會亦打正旗號叫觀眾做好心理準備是「Unexpected」，但相信Shirley亦Unexpected的竟是噓聲中出場。昨晚開鑼的《Unexpected Shirley Kwan in Concert 2008 》演唱會，事前Shirley講明個唱與別不同，屬非一般演唱會，內容高度保密。

全場近九成觀眾入座，到晚上八時四十七分亦未開騷，觀眾不耐煩起哄鼓譟，之後樂隊出場，但依然未見Shirley現身，觀眾再度發出噓聲。場館關燈後，在噓聲及歡迎聲下，Shirley穿上白色披肩，腳踏五吋黑色高跟鞋施施然現身露出玉腿，現場配合激光效果來演唱《萬物生》，而唱第二首歌《So Sad 》時，卻見Shirley不停整耳機。 

唱堅持與別不同，沒有給觀眾送Pung Pung棒、沒有送螢光棒或電筒仔來製造氣氛，就連現今最流行賣紀念品的攤位都欠奉。

2008/4/25