食蕉
我真係唔明，點解咁近嘅距離之下，毓民條蕉點會掟唔中曾蔭權？
莫非毓民視力衰退，還是手臂無力不舉？可能佢知道如果真係掟中曾特首，分分鐘俾曾蔭權告番轉頭，俾煲呔攞彩就唔好啦！兼且大狀黨隨時以白武士身份出現，話免費幫社民聯打官師，到時候俾D律師搶風頭，咪益嗮隔離黨，當然唔制！又可能知道仲有四年俾佢玩嘢，咁快就埋身肉搏之後就無戲做，都係攤長慢慢來好D。
大家都話佢想搬台灣議會玩嘢D招數過來香港。我自己就曾經睇過有台灣嘅立法委員著住套包青天戲服，連塊面都好認真咁搽嗮鑊撈，全副大龍鳳出齊，為民伸冤wo！畢竟毓民都係高票當選議員，又點可以叫支持佢嘅選民失望，今天報紙有說其實毓民長毛大
準備好雞蛋，甚至遲D榴槤都會出，我就放長雙眼等睇《家好月圓》，反正香港今時今日已經變嗮質，輸打贏要一味靠兇掂硬，實事求是理性分析就out嗮無market。我自己都要睇開D，如果唔係遲早變抑鬱，同其他人爭住打電話去明愛向晴軒條hotline就唔好啦！
wow...十郎話是齋, 真係精彩.
就咁,與其要我睇你偶像劉江華(sorry,唔係劉華,亦唔係ali死口唔認自己鐘意過的江華)果班衰友,我寧可期待社民連出椰子出榴槤出大樹菠蘿.
afterall, 甚麼樣的議會,甚麼樣的議員...本身經已是一個充滿虛情假意的政治舞台,間唔中上番場鬧劇,合情合理!
黃毓民...絕對係議會黃秋生啦!
Reply to this
What a waste. Do they know Japanese now have a big appetite for banana.
http://www.telegraph.co.uk/news/worldnews/asia/japan/3102492/Banana-diet-craze-sweeps-Japan.html
Reply to this
在一個嚴肅的議會內做出嘩眾取竉的劣行,還死不認錯,而且舉動對事件無助,但求做show! 大家又切身處地試諗下你做梗presentation嘅時候有同事向你掟蕉,你會點諗?
Reply to this
接住,剥皮,食左佢.
Reply to this