有時候，命運就係格食格，就算平時幾省吃儉用，到咗某D位都係要開倉派糧。邊個叫自己俾鬼迷，心甘情願千里迢迢都要越洋參與盛事，就當自己去麥加、去耶路撤冷、或者去梵蒂岡朝聖囖，握唔到手都無問題，老遠咁望下，當佢同自己揮手就OK。我都知道阿姐今次聲勢好似唔及上次Confessions Tours 咁掂 ~~殊，細細聲講俾你知，隻Hard Candy 其實我由頭到尾都只係聽過一次咁大把，來來去去都淨係播hit 個幾首~~ 不過是但啦，都唔計較得咁多，照計佢啱啱離婚，應該會寄情於工作，前夫得個幾年貨仔，又點及得呢D死硬歌迷咁長情，話嗮都跟咗佢二十幾年，無功都有勞啦！我對娜姐有信心過匯豐，嚟緊個晚一定會又sticky又sweet！