斯. 克. 行
 |
每年暑假我都seafood痕，無論點都要搞個年度之旅，行開個零兩個星期先至安樂，呢個習慣都持續咗好幾年。既要止身痕，又要醫心癮，所以今年決定嚟個「斯. 克. 行」，要好小心逐個字戥出嚟讀，免得破壞咗斯洛文尼亞、克羅地亞嘅高貴同優雅，話嗮人家都係歐洲地方，一個喺南阿爾卑斯山，另一個屬於地中海。至於香港嗰啲頭暈身熱濕毒濕滯暫時咪鬼理，千金散盡還復來，返嚟之後再算。 未出發先興奮，要睇好多旅遊資料，風光秀麗唔駛多講，斯洛文尼亞嗰 logo一眼就知掂，I FEEL sLOVEnia，食字食得真係好鬼絕，簡簡單單最是不簡單，浪漫死！克羅地亞嗰個都OK，雖然無咁妙絕，但都已經將紅頂泥牆海邊古城嘅賣點凸顯嗮出嚟。據講歐洲啲有米佬暑假已經唔興去法國南部，改為去克羅地亞啲海邊小島，物超所值又勁好feel喎。我都打算唔執輸嚟番個 island hop，順便嘆嘆地中海海鮮，「斯. 克. 行」食seafood，成件事 ... 啱嗮！ |
 |
斯人心癢"斯克行",
忽然初夏去旅行,
行程期望遇美人,
了無牽掛笑吟吟.
Reply to this
好玩嗎? 與期望相符嗎?
Reply to this