如果普立玆獎都設有“娛樂”呢個category，我一定強烈要求主辦單位今年頒個金獎俾蘋果娛樂。

今次居然連Las Vegas結婚嘅官方紀錄都俾佢哋刮到，唔誇張無作大，大膽假設小心求證，實事求是絕無事事旦旦，正義凜然踢爆謊話連篇，拍案驚奇，好嘢！

劉華有無結過婚唔關我事，藝人私隱亦唔屬我關心範圍，我無權judge人哋，亦無得打算企喺道德高地，唯一想comment係蘋果今次處理新聞嘅手法。

技術性擊倒當事人啞口無言，頭啖湯領先同行N個馬位，讀者樂此不疲繼續online逐個捉，身有屎嘅中港台藝/偽人個個自危，最漂亮係零成本兼且完全合法，成件新聞只能用“無懈可擊”來形容，無獎攞就真係無天理。