從來數學就不是小弟強項，但只有加減乘除的婆乸數則尚算精叻，雖不至於坊間誤傳關於本人小便隔渣之荒誕，整體而言都叫精打細算。不過最近被一條婆乸題考起，良久思量卻苦無最佳答案。

事緣敝公司員工可同時享有免費機票和一折機票的福利：
前者每年只限4個經濟位單程，地點任選，可訂位；
後者無配額限制，可搭經濟或商務艙，地點任選，卻只能候補。

慳家派認爲免費機票用來坐long haul，感覺福利可以用到盡；短途則用一折，唔會多俾公司一毫子。
享樂派完全相反，免費機票用嗮嚟坐短途，long haul就打死坐候補一折，理由係用好少錢可以leverage都更大嘅value。

不要睇小呢條Paula Math，其實牽涉到人類複雜的價值觀思維，究竟你係cost minimizer定係value maximizer？再深層啲講，其實兩類人係咪一定mutually exclusive呢？我哋有無辦法做到又慳家又享樂呢？如果可以搞套theory出嚟，分分鐘攞諾貝爾經濟學獎，因爲其實好多時啲經濟學家都係將啲阿媽係女人嘅道理，經過好似好有系統嘅quantitative分析和qualitative理論backup，咁就名垂千古。

Theory我就未有，但可以話你知，早兩年我都係慳家派，今年就改做享樂派，並非小弟升呢脫貧，只係舊年嗰4張長途免票都未用，變招希望減少浪費，畢竟公司福利最終唔用無人會多謝你，呢一點，無論是否Paula，一樣易明無反對。