本來都上下心買唔買飛，買咗飛之後仲有啲患得患失，講真，都有少少擔心俾人噓。但自從睇完《志明與春嬌》，嚟幾日好似中咗毒咁，個腦不斷重唱「最後的玫瑰」。又禁不住諗起某朝早聽錢佩馨播「鐵血丹心」，細聽羅文甄妮恍如天籟嘅和聲，若然要選香港十大經典合唱歌 ，「鐵血丹心」一定同「兩個女人」拍住上。另外又諗起某年某日家人對住電視機，指住入面嘅甄妮，然後豪情壯語説道：「呢啲先至係歌星！」，仍然歷歷在目。

真係要多謝志明同春嬌，令我重拾對家明與玫瑰嘅印象，肯定我買飛嘅決定，最最最重要係再次證明，音樂真係揀咗我！