開頭喺收音機聽我仲以爲係張德蘭舊歌攞返出呢播，但明明唔係鄭子誠無奶油會播老餅歌，再聽落啲歌詞好明顯有人玩嘢，越聽越鐘意，好有heart冧到爆，知道係林一峰曲詞林二汶主唱更要加滿分，驚喜度仲高過同樣十個讚嘅露雲娜姐姐。雖然上個月演唱會無去睇《一峰不能藏二汶》同miss咗楊千嬅做嘉賓唱《最後的玫瑰》，始終覺得兩兄妹係得嘅（provided阿哥唔好再唱英文歌），要我選年度金曲，《愛你枕邊暖》，贏！